Rebecca Nedregotten Strand (f. 1980) kjem frå Ulsteinvik på Sunnmøre. Ho er journalist og kulturminneforvaltar. I NRK har ho mellom anna leia TV-sendingane Reinflytting minutt for minutt, Nasjonal vedkveld og Nasjonal strikkekveld, sakte-tv produksjonar som har fått stor internasjonal merksemd. Sidan 2018 har ho jobba frilans med programskaping og forfattarverksemd. Ho arbeider no som samlingsleiar ved Bymuseet i Bergen. Strand har tidlegare gjeve ut boka 52 opplevingar på Sunnmøre på Skald.
