Oppdag Noreg!
Dette er turboka for deg som vil utforske heimlege strøk i ferien i år.
Forfattar Rebecca Nedregotten Strand tek deg med på si reise utanfor det offentlege vegnettet, og inn på kjende og ukjende bomvegar i Sør-Noreg. Vegane tek oss opp til ville tindar, inn i skjulte dalar og gjennom vår felles kulturarv. Bak bommane finn vi inspirerande menneske, dramatisk natur og spanande historier.
Bomvegane går på kryss og tvers gjennom heile Noreg. Rebecca har reist frå Viken til Vestland, innom Telemark og Trøndelag, og til heimfylket Møre og Romsdal. Ho har hatt med seg kjentfolk og guidar av mange slag, mellom anna ein arkeolog, fjelloppsynet, leiaren for Norsk Pilegrimssenter, ein reinsgjetar og eit par-tre barnefamiliar.
I boka finn du eit utval turar til inspirasjon for deg som vil utforske bomvegperlene sjølv – i bil, til fots eller heime med boka i handa.
