Petra Rahm (f. 1976) er biletkunstnar med arbeidsbase i Bergen. Ho har utvikla fleire kunstprosjekt som tek utgangspunkt i stad og forteljingar om stad. Rahm har særleg interesse for kunstprosjekt som rører seg utanfor dei etablerte kunstinstitusjonane, og for det som finst i periferien. Gjennom arbeidet sitt som fagansvarleg og kurator for kunst i offentleg rom ved Hordaland kunstsenter har ho vore rådgjevar for ei rekkje kunstprosjekt knytte til offentlege bygg og stadar.
Rahm er utdanna ved Stockholms universitet og ved Kunstakademiet, Kunsthøgskolen i Bergen.
