I braksuksessen og bestseljaren frå 2021 Bortom allfarveg tok den kjende reiseeksperten Gunnar Garfors oss med på ei eventyrleg oppdagingsferd i heile Noreg. I denne oppfølgjaren reiser vi til Vestlandet for å leite etter spennande og ukjende opplevingar i særklasse.

Det kryr av spektakulær og urørt natur, vakker arkitektur, særeigne overnattingsstader og restaurantar som serverer mat og drikke i verdsklasse. Men sjølv vestlendingen har mykje å oppdage i eigen landsdel, for mykje av det Noregs kanskje mest reiseglade forfattar inviterer oss med på er ein godt bevart løyndom for dei fleste.

Med Bortom allfarveg Vestlandet er det mogleg å planlegge ein fullstendig vestlandsferie, anten du vil reise åleine, saman med familie og vener eller vil ta med kjærasten på ein romantisk getaway. Kva med hjortebrølsafari, overnatting i hengekøyer og eksklusive designhytter kombinert med sidersmaking ved Sognefjorden ein varm sommarkveld?

Dei siste åra har vi fått opp auga for vårt eige land, og det er mykje som tyder på at trenden er varig. Ja, vi kjem til å reise til utlandet igjen, men kanskje meir på langturar, medan vi for kortare turar truleg vil velje det nære. Ved å bytte ut helgeturar til London, Paris og New York med turar til Ulvik, Solvorn eller Bremanger kuttar vi ikkje berre utslepp – opplevingane kan absolutt ta opp konkurransen med det vi er vande til utanskjærs.

Boka utvider biletet vårt av Vestlandet og guidar oss til stader dei fleste av oss ikkje ville funne fram til på eigenhand. Her finn vi, sjølvsagt, ikkje dei vanlege turistmagnetar der vi må stå i kø, men alternative opplevingar som gir oss kjensla av å oppdage noko nytt, litt på same måten som når vi dumpar innom ein bortgøymd kafé i ei bakgate i Roma.

2022
Nynorsk
17,0 x 21,0 cm
320 sider
Innbunden og rikt illustrert.

Formgjeving: Øystein Vidnes

ISBN 9788279593393

Sagt om boka:

«Garfors si siste bok er smakfull på alle vis og gir gode tips til turar og opplevingar. […] Det er fullt mog-leg å planleggja både dagsopp-levingar, helgeturar og langferie med desse tipsa – og gjerne boka – i bagasjen.»

Handlekorg
Lukk
Handlekorga er tom.
-+
Tittel
Tal
Pris

Totalt: NOK

MVA utgjer NOK

Fri frakt i Noreg

Send inn manus
Lukk
Kjøpsvilkår
Lukk
Foreign rights
Lukk