Thomas Mann (1875–1955) var ein av dei mest sentrale forfattarane i det 20. hundreåret. Han var fødd i ei velståande kjøpmannsfamilie i Lübeck. Då han var 15 år flytta familien til München.
Draumen hans var frå byrjinga av å skrive, og det tok ikkje mange år frå dei første novellene blei publiserte i tidsskrift til den første store romanen, Buddenbrooks, kom ut i 1901.
Mann blei raskt ein av dei leiande forfattarane i Tyskland og hadde ein stor produksjon av romanar, forteljingar og essays. I 1929 mottok han Nobels litteraturpris.
Etter at nasjonalsosialistane kom til makta i Tyskland i 1933, emigrerte familien til USA, der Thomas Mann utvikla seg til ei global stemme. Han var høgt akta blant forfattarar i samtida og har hatt stor påverknad på seinare forfattargenerasjonar, både i heimlandet og internasjonalt.
I 1952 vende han tilbake til Europa og busette seg i nærleiken av Zürich, der han døydde i nokre få år seinare.
