Steinar Lone (f. 1955) er skjønnlitterær omsetjar og faglitterær forfattar og omsetjar. Han er fødd i Oslo og bur no i Fredrikstad. Han har ein magistergrad i romansk filologi etter å ha studert i Oslo, București, Lund og Firenze. Han har omsett ei rekkje bøker frå mellom anna rumensk, italiensk og fransk. Han har fått Kritikarprisen for beste omsetjing. I 2003 fekk han Kultur- og kyrkjedepartementets pris for beste barnebokomsetjing til nynorsk for Gianni Rodari: Fablar i telefonen (Det Norske Samlaget 2002).
