Kari Øvsthus (f. 1949) bur i Bergen. Ho er sivilarkitekt og urbanist/byplanleggar, utdanna frå NTH/NTNU og Konsthögskolans Arkitekturskola, Stockholm. Ho har arbeidserfaring frå Den Nationale Scene i Bergen, frå privat arkitektpraksis og frå undervisningsmiljøet ved NTNU i Trondheim, Fakultet for arkitektur. Øvsthus har sidan 1994 arbeidd med by- og tettstadsutvikling for dei to fylkeskommunane Møre og Romsdal og Hordaland. Ho interesserer seg for arbeidsoppgåver med krav til utstrakt bruk av visuell kommunikasjon og har vunne prisar i to arkitektkonkurransar.
