Finn Loftesnes (f. 1947) er veletablert og anerkjent naturfotograf. Han har tidlegare jobba som friluftslivs- og naturfotolærar på Sogndal Folkehøgskule. I ei årrekkje har han fotografert natur og landskap på Vestlandet og levert bilete til utalege bøker og publikasjonar. Han har dessutan fotografert til ulike presentasjonar og produsert store lysbileteprogram til Breheimsenteret i Jostedalen og Norsk Fjordsenter i Geiranger.
