Arne Ingvaldsen er biletkunstnar, og ein av få representantar for minimalismen i Noreg. Han er utdanna frå arkitektavdelinga ved NTH, og kunstakademia i Bergen og Warszawa. Han har hatt ei lang rekke separatutstillingar i Noreg og i utlandet og har hatt offentlege oppdrag i fleire norske byar.
Gjennom fleire tiår har han skapt installasjonar, skulpturar, teikningar og måleri, der forholdet mellom gjenstand og rom har vore sentralt.