Liv Rege Engan har gjennom mange år fotografert og samla opplysningar om stølar i noverande Vik kommune i Sogn. Utnytting av utmarksressursane var i tidlegare tider svært viktig, og no blir denne bruken dokumentert i bokform. Over 200 stølar som vart nytta av gardar i Arnafjord, Vik, Vangsnes, Feios og Fresvik er med i boka.
Liv Rege Engan si store interesse er friluftsliv, og ho har m.a. besøkt og fotografert alle stølar og stølstufter i området frå Nærøyfjorden til Modalen.