Rallarvegen er namnet på den totalt 122 kilometer lange anleggsvegen mellom Myrdal og Flåm og langs Bergensbana frå Haugastøl til Voss.
Flåmsdalen er eit populært reisemål. Talet på passasjerar på Flåmsbana har stadig auka og var oppe i 475 000 i 2005. Mange vel å sykle eller gå langs Rallarvegen frå Haugastøl eller Finse forbi Hallingskeid til Myrdal og vidare ned til Flåm.
Korleis har det storslagne landskapet langs Rallarvegen fått si form?
Geologar har brukt spor i terrenget til å tolke korleis landskapet blei danna. Desse spora kan du sjå og kanskje tyde frå sykkelsetet.
