Innhald
Rett i hjarta på juryen
«Ulveungen Sim» av Stella East heidra i kåringa «Årets vakreste bøker»
Biletboka «Ulveungen Sim» av Stella East er heidra med diplom i den årlege kåringa «Årets vakreste bøker». Juryen kommenterer boka slik: «Mytisk inderlig samspill mellom dyrene i fortellingen og med leseren. Rett i hjertet på juryen». Boka fekk pris i kategorien Billedbøker, og om denne skriv juryen: «Kategorien billedbøker var en spesiell utfordring for juryen. En utfordring vi var glade for å få. Vi tror den norske satsingen på billedbøker er unik i verden.» Kåringa er utført av Grafill, som er den norske organisasjonen for visuell kommunikasjon.
Med barneboka debuterte illustratøren i haust som forfattar på vestlandsforlaget Skald. I biletboka «Ulveungen Sim» vert barn kjend med korleis ulv lever i naturen. Ulveungen Sim er ein leiken krabat. I dyrehagen fortel ulvemamma Una om korleis det er å leve i Verda Utanfor: springe over store sletter, jage i flokk gjennom skogane, hyle mot månen. Bak i boka finst ein faktadel om ulv.