Innhald
Første godnattbok på nynorsk
Godnattboka – nynorske forteljingar
I desse dagar finn Noregs første nynorske godnattbok vegen til landets bokhandlarar. GODNATTBOKA – NYNORSKE FORTELJINGAR inneheld 22 nyskrivne historier av forfattarar frå heile Vestlandet. På forfattarlista står det velkjende namn som til dømes Frode Grytten, Ragnar Hovland, Einar Økland og Erna Osland, men også ferske debutantnamn som til dømes Heidi Marie Vestrheim, Henning Rivedal, Eirik Helleve og Katrine Sele.
Høyr intervjuet med Sylfest Lomheim på Nrk Hordaland: www.nrk.no
Boka er gjennomgåande illustrert av Gunvor Rasmussen som også debuterer med boka innanfor barneboksjangeren. Dei spreke illustrasjonane av den kjende BT-illustratøren gir boka ei unik fargedrakt.
Vi har satsa stort og laga ei flott praktbok som er trykt på miljøvenleg papir. Målet var å lage ein ny klassikar som høyrer til i alle (ny-)norske heimar. God lesing!