Innhald
Janne Nes
Janne Nes er tekstilkunstnar med hovudfag frå Kunsthøgskolen i Bergen. Ho har verkstad i tredje etasje på bygget.
Tlf. 57 65 39 68, e-post: janne@skald.no
Anne Angelshaug
Anne Angelshaug (f.1977) er oppvaksen i Jølster og busett i Bergen. Ho er utdanna illustratør frå Falmouth College of Arts i Cornwall. Sidan 1999 har ho jobba som frilans illustratør og driv no selskapet Naive Communication. Anne er også biletkunstnar og har hatt fleire separat- og kollektivutstillingar.
Björk Bjarkadottir
Björk Bjarkadottir (f. 1971) er opprinneleg frå Island og bur no i Oslo. Ho er utdanna i grafisk design, illustrasjon og fotografi frå ESAG (Ecole superieure de Art Grafique) i Paris. Dei siste åra har ho jobba som barnebokforfattar, illustratør og designar.
Kjersti Isdal
Kjersti Isdal (f. 1972) er frå Isdal nord for Bergen. Ho er utdanna illustratør og grafisk designer ved Kunsthøgskulen i Bergen.
Stella East
Stella East (f. 1955) er opphavleg frå Canada, men har budd i Noreg i mange år. Ho er utdanna illustratør frå både USA, Storbritannia og Noreg og har illustrert ei rekke bøker.
Lane Smith
Lane Smith (f. 1959) har illustrert ei rekkje bestseljarbøker i USA, mellom anna The True Story of the 3 Little Pigs!, The Stinky Cheese Man, Dr Seuss si Hooray for Diffendoofer Day og Roald Dahl si James og kjempeferskenen. Smith har to gonger vunne New York Times sin pris for beste illustrerte bok.
Ingunn Elida Wiken
Ingunn Elida Wiken (f. 1964) er utdanna art director frå Westerdals Reklameskole Oslo og har vore medlem av Tegnerforbundet og NBK sidan 1999. Ho har jobba frilans med reklame, illustrasjon og design sidan 2000, etter 10 år i reklamebransjen i Oslo, stort sett i Bates Reklamebyrå. Ho er no busett i Hemsedal og debuterte i 2008 også som barnebokforfattar.
Andrea Hebrock
Andrea Hebrock har studert illustrasjon ved Fachhochschule Hamburg. Sidan har ho gitt ut barnebøker for ulike tyske forlag.
Conny Wolf
Conny Wolf er fødd og oppvaksen i Bayern i Tyskland. Ho er utdanna i visuell kommunikasjon frå Fachhochschule Augsburg og har jobba som art director i reklamebransjen i Tyskland. Sidan 1993 har ho arbeidd som kunstnar og illustratør i Østerrike.
Sybille Hein
Sybille Hein (f. 1970) kjem frå Wolfenbüttel i Tyskland. Ho er utdanna i illustrasjon frå Fachhochschule für Gestaltung in Hamburg. Sidan 1999 har ho vore aktiv som illustratør for barnebøker, tidsskrift og vekeblad.
Heide Stöllinger
Heide Stöllinger (f. 1941) er utdanna i kunst frå Universität für Angewandte Kunst i Wien. Ho arbeider som kunstnar og illustratør. I 1998 og 2003 fekk ho Illustrationspreis des Österreichischen Kinder- und Jugendbuchpreises. I 2002 fekk ho Staatspreis für das schönste Kinderbuch Österreichs for boka «Esel».
Selda Marlin Soganci
Selda Marlin Soganci (f. 1973) kjem frå Hof i Tyskland. Ho er utdanna i illustrasjon og grafisk design og arbeider i dag som frilansar i Münster. I tillegg til «Herr Jemineh hat Glück» har også hennar første biletbok «Schenk mir Flügel» fått «Kinder- und Jugendbuchpreis der Stadt Wien 2003».
Stina Langlo Ørdal
Stina Langlo Ørdal (f. 1974) er opprinneleg frå Trondheim, men bur no i Asker utanfor Oslo. Ho er utdanna illustratør frå Kingston University i England og arbeider som illustratør og barnebokforfattar.
Kristian Finborud
Kristian Finborud (f. 1964) kommer fra Porsgrunn,
men er bosatt på Voss, der han jobber fulltid som
kunstner. Han har siden 1988 hatt ca. 20 separatutstillinger og deltatt på en rekke kollektivutstillinger. Han har tidligere illustrert barneboken "Eg øver meg, eg øver meg" av Helga Gunerius Eriksen.
Manuela Olten
Manuela Olten (f. 1970) har studert Visuell Kommunikasjon med hovudvekt på barnebokillustrasjon frå der Hochschule für Gestaltung i Offenbach, Tyskland. Ho har illustrert fleire barnebøker, mellom anna Echte Kerle, som var nominert til Deutsche Jugendliteraturpreis.
Rebecca Dautremer
Rébecca Dautremer (f. 1971)er frå Gap i Frankrike og utdanna frå L’Ecole nationale superieure des arts decoratifs (ENSAD) i Paris.
Gunvor Rasmussen
Gunvor Rasmussen (f. 1981) er oppvaksen og busett i Bergen. Ho er utdanna i illustrasjon frå Central St. Martins i London og i visuell kommunikasjon frå Kunsthøyskolen i Bergen. For Skald har ho illustrert Godnattboka (2007), Eventyrboka (2009) og Trøysteboka (2011).
Ivar Kvåle
Ivar Kvåle (f. 1947) har illustrert fleire bøker, men er ikkje minst kjend som fast illustratør i lokalavisa Hordaland under signaturen Knipo. Den særmerkte streken hans tek vossingen på kornet. For Skald har han illustrert "Ein vestnorsk stat" (2003) og "Vossaminne" (2011).